Guiern en cësa
N servisc dl raion cumprensoriel

Descriziun generala

L guiern en cësa dà cunsulënza de sustëni y cumplementera, pieta prevenzion y assistënza te cësa dla persona y te zëntri guiern via per l di. L pò unì damandà da persones nia autosufiziëntes cun problems fisics y/o psichics, da families cun persones sotmetudes a risia o a uni moda da families che ne ti la fej nia plu a ruvé a cë tla vita de familia zënza aiut da dedora.

La prestazions dl guiern en cësa ie: trasport y acumpaniamënt, aiut tl guiern de cësa, cura dl corp, atività soziopedagogica, prestazions dianiostich terapeutes.L fin dl guiern en cësa ie chël de fé a na moda che la persones cun bujëns posse sté plu che la va te si ambiënt de vita da unidì. L dërt a chësc servisc ie dat zënza tenì cont dla situazion ecunomica y soziela dla persona.

D’autra nfurmazions en chësc cont giapëis pra l personal spezialisà dl guiern en cësa tl Servisc soziel cumpetënt te vosc raion.

La dezijion dl ënt cumpetënt, en cont de na cumpartezipazion eventuela ala tarifa, vel per n tëmp de alplù 12 mënsc.  

Recursc: Contra la dezijion dl ënt possel unì prejentà, tl tëmp de 45 dis dala comunicazion, n recurs gerarchich per rejons de legitimità – aldò dl articul 9 dla  Lege pruvinziela di 22 de utober 1993, nr. 17 y dl articul 4 dla lege provinziela di 30 d’auril 1991, n. 13 – ala sezion recursc – Repartiziun Politiches soziales. 

Condiziuns d’azes

L guiern en cësa vën pità a duta la families y persones singules che per gaujes familieres o persuneles ie te na situazion de bujën y ne ti ie nia a cundujer na vita autonoma o nce mé nianca a fé da sëules cërta azions da unidì zënza aiut.

Terminns

Per fé dumanda de pudëi se nuzé de chësc servisc ne n’iel nia da tenì ite terminns particulers.

Documënc che vá debojëgn

Cëla njontes:

• "Dumanda per la cunzescion de servijes de ambulatore“
• "Autozertificazion sun la situazion de bujën de assistënza"

Cosć

L anuzadëur tol pert mé cun na tarifa stabilida, aldò dl davani y dl avëi, coche preudù dal D.P.J.P. di 11 de agost 2000, nr. 30, te si verscion en forza.

L anuzadëur, per chël che l ti vën paià ora la sporta de cura (Lege pruvinziela di 12 de otober 2007, nr. 9) o la sporta de acumpaniamënt (Lege pruvinziela di 21 de agost dl 1978, nr. 46), à da paië la tarifa che curespuend a si livel de bujën, bel unfat da coche ie si situazion ecunomica y chëla de si familia plu strënta

Per l ann 2018 monta la tarifa mascima fisseda dala Jonta pruvinziela per una na ëura de guiern en cësa a € 24,00. La tarifa minima curespuend a € 3,90 al’ëura; l cuarto livel costa € 13,00.

Referimënt a normes de lege; regolamënc

• Reurdinamënt di servijes soziei tla Provinzia de Bulsan: Lege pruvinziela di 30 de auril 1991, nr. 13
• Delibera di 29 de mei 2012, n. 798: Criteres d’azes ala prestazions dl’assistënza a cësa
• Regulamënt en cont di pruvedimënc de assistënza economica soziela y dl paiamënt dla tarifes ti servijes soziei: Decrët dl Presidënt dla Jonta pruvinziela di 11 de agost dl 2000, nr. 30, te si verscion en forza
• Regolamënt sön le relevamënt unifiché dl davagn y dl patrimone: Decret dl Presidënt dla Provinzia di 11 de jenà dl 2011, n. 2

Plata internet:

Per d'autra nfurmazions prions bel de jì sun la plata dla istituzion cumpetënta per chësc servisc.