Vai al contenuto principale Vai alla navigazione principale Vai alla navigazione secondaria

Pendolars – contribuć por les spëises de iade por le personal dependënt
N sorvisc dl'aministraziun provinziala de Südtirol

Vai pormez al sorvisc online

Descriziun generala

La Junta provinziala conzed, aladô dl articul 54 dla lege provinziala di 23 de novëmber dl 2015, n. 15, contribuc por spëises de iade al personal dependënt che mëss se sposté por rajuns de laur por altamo 120 dis al ann (dis de iade efetifs ia por l’ann) dal post de sojornanza abitual te n stat dl'Uniun europeica o tla Confederaziun svizera al post de laur tla provinzia de Balsan o dal post de sojornanza abitual tla provinzia de Balsan al post de laur te n stat dl'Uniun europeica o tla Confederaziun svizera, sön na destanza de passa 18 chilometri, olache al ne passa nia altamo vigni mesora n meso dl trasport publich, sce:

  • a) le personal dependënt ne po nia tó i mesi publics ajache le pröm meso publich röia sön le post de laûr do che le turnus de laûr à metü man y/o l’ultimo meso publich pëia ia dan la fin dl turnus de laûr;
  • b) i tëmps d’aspeta complessifs da tó i mesi publics plü adatà, tignin cunt inće de percursc a pè eventuai, é de altamo 60 menüć;
  • c) la fermada plü daimprò, olache ara va da lascè l’auto y an po tó n meso publich cun n tëmp d’aspeta complessif de manco co 60 menuć, é a passa 10 chilometri da ćiasa; te chësc caje ti speta le contribut ma por la destanza da ćiasa ala fermada nominada dessura.

Le contribut ne speta nia sce:

  • le personal dependënt po tó debann n meso de süa aziënda por jì a laurè;
  • le contribut é mënder co 200,00 euro;
  • le davagn individual complessif zënza detraziuns dl personal dependënt é majer co 50.000,00 euro al ann.

Le contribut vëgn calcolè multiplican l’import de euro 0,05 (contribut unitar a chilometer) por le numer de chilometri fać al dé da jì y gnì y por le numer de dis che chësc dërt vel.

Condiziuns d’azès

  • Avëi n laûr dependënt;
  • avëi laurè y ester stà sön le iade altamo 120 dis al ann;
  • avëi na destanza de passa 18 km da ćiasa al post de laûr, sce ara ne va nia da tó i mesi dl trasport publich sciöche dé dant dessura;
  • avëi tëmps d’aspeta de altamo 60 menuć da adorè i mesi de trasport publich sce an fej la soma danter:
    1. le tëmp d’aspeta danter l’orar da rovè programè dl meso publich de linia plü adatè por arjunje le post de laûr y le scomenciamënt dl turnus de laûr;
    2. le tëmp d’aspeta danter la fin dl turnus de laûr y l’orar de partënza programè dl pröm meso publich de linia plü daimprò al post de laûr;
    3. tëmp d’aspeta por baratè meso de trasport publich de linia sides da jì co da gnì.

Terminns

Les domandes de contribut por l'ann 2016 mëss gní presentades dai 12 de jená dl 2017 cina al termin irevocabl di 31 de merz dl 2017.

 

Documënć che va debojëgn

Les domandes de contribut po ma gnì dades jö online  tres la prozedöra a chëra che an ti röia pormez cun l’account zertifiché o cun chël nia zertifiché: clichede chilò.

L’egov-account nia zertifiché po gnì damanè online zënza che l'identité dla porsona o la coretëza di dać personai dà jö pois gnì controlades dal’aministraziun publica. La domanda messarà porchël gnì sotescrita daldô.

Da tó en conscidraziun: Sce al vëgn adoré n eGov-account nia zertifiché él da stampé, do che al é gnü stlüt jö la prozedöra online, na copia dla domanda, da la sotescrí y da ti la presenté al ofize competënt cun la copia de n documënt de reconescimënt che vel, tles formes preodüdes dales desposiziuns generales tl tëmp de presentaziun dla domanda, scenó tomera. 

La domanda sotescrita ti pó gní menada al Ofize Trasport de porsones tres e-mail a chësta misciun ContributiPendolari@provincia.bz.it, tres fax al numer 0471/415499, por posta ala misciun: Ofize Trasport de porsones, Plaza Silvius Magnago 3/Palaz 3B, 39100 Balsan o dada jö personalmënter tratan chësc orar: dal lönesc al vëndres dales 9.00 ales 12.00 y la jöbia dales 8.30 ales 13.00 y dales 14.00 ales 17.30.

METEDE AVERDA: Sce la domanda ne vëgn nia sotescrita (cina ai 31.03.2017) ne vëgnera nia azetada.  

L’egov-account zertifiché é l’identité digitala zertificada dla porsona; l’aministraziun publica controlëia y autentifichëia l'identité dla porsona. La zertificaziun po ma gnì fata online cun la Cherta di sorvisc ativada.

Por de plü informaziuns sön la Cherta di sorvisc, l'ativaziun y l'adoranza pon cherdè sö le numer vërt 800 816 836 o ćiarè sön internet: http://www.provinz.bz.it/buergerkarte.

N iade che an à n eGov-account zertifiché ne adoron nia plü n eGov-account nia zertifiché.

Le personal dependënt dà jö i dać damanà sot süa responsabilité, porchël fej l'aministraziun provinziala controi a caje sön les detlaraziuns. Sce al vëgn fora dai controi che le contignü dles detlaraziuns é falzes, vëgnel apliché sanziuns.

Cosć

La marca da bol da 16 euro vëgn paiada virtualmënte aladô dl’autorisaziun dla direziun provinziala dl’Agenzia dles Entrades y trata jö canche le contribut vëgn paié fora. Chësta soma mëss ince gní paiada sce le contribut ne vëgn nia conzedü.

 

Referimënt a normes de lege; regolamënć

D’atres informaziuns

A vigni porsona che fej domanda ti gnaràl lascè al savëi le resultat dla domanda de contribut por spëises de iade.

Les retificaziuns eventuales dla domanda de contribut por spëises de iade ti po gnì ortiades al Ofize Trasport de porsones tres e-mail ContributiPendolari@provincia.bz.it, tres fax al numer 0471/415499 o por posta ala misciun: Ofize Trasport de porsones, Plaza Silvius Magnago 3/Palaz 3B, 39100 Balsan.

Ënt competënt

38. Mobilità
38. Mobilità

Unité aministrativa competënta

38.2. Ufize Trasport de persones

Misciun

Palaz provinziel 3b, Plaza Silvius Magnago 3, 39100 Balsan

Telefonn

0471 41 54 92
0471 41 54 82

Fax

0471 41 54 99

PEC

personenverkehr.trasportopersone@pec.prov.bz.it

Plata internet

http://www.provincia.bz.it/mobilita/

(Atualisá ai: 30/03/2017)