Vai al contenuto principale Vai alla navigazione principale Vai alla navigazione secondaria

Giaudënc de mesuns finanzieres FEAGA y FEASR

Chёstes informaziuns é da ciafè ma por
» Descrizion per tudësch
» Descrizion per talian

L regulamënt (CE) n. 259/2008 dla Cumiscion, cun norma d’aplicazion dl regulamënt (CE) n. 1290/2005 dl Cunsëi n cont dla publicazion de nfurmazions sun i giaudënc de finanziamënc ora dl fond europeich per l’agricultura de garanzia (FEAGA) y l fond europeich agricul per per l svilup dl raion rural (FEASR), vëij danora:
Aldò dl articul 44 bis dl regulamënt (CE) n. 1290/2005 (mudà cun l regulamënt (CE) n. 1437/2007 dl Cunsëi) se cruzia i stac cumëmbri che l vënie, dadedò, publicà uni ann la nfurmazions n cont di giaudënc de finanziamënc ora dl fond FEAGA y dl fond FEASR y la somes relatives che uni giaudënt à giapà ora dl fond curespundënt.

Chësta nfurmazions ie da publiché nchin ai 30 d’auril de uni ann cun referimënt al eserzize finanzier dl ann do (dai 16.10 ai 15.10) sun na plata internet unica per uni stat cumëmber y les resta despunibles sun la plata internet per doi ani a pië via dala data dla prima publicazion.

Te na sentënza di 9 de nuvëmber 2010 n relazion al’ublianza dla publicazion de nfurmazions sun i giaudënc de cuntribuc agreres à la Chëurt de giustizia dla Union europeica stabilì che pra persones fisiches ne ie la publicazion de dac relatifs ala persones natureles zënza la defrenziazion danter criteres pertinënc sciche la duredes de tëmp (ntan chëles che les à giapà chisc cuntribuc) o la frecuenza y la sort y l amudlé de chisc cuntribuc nia proporziuneda.

Per rejons de trasparënza iel perchël, n aspitanza de regulamënc nueves da pert dl Parlamënt y dl Cunsëi, unit tëut n cunscidrazion la usservazions fates dala Chëurt de giustizia, l regulamënt (CE) 259/2008 mudà cun l regulamënt d’esecuzion (UE) n. 410/2011 dla Cumiscion a na moda che la ublianza dla publicazion de nfurmazions sun i giaudënc de finanziamënc da paiamënc dla politica agrera de chemunanza (PAC) vënie limiteda a persones giuridiches.

Cuntenut dla publicazion

Per de plu nfurmazions damandëde do pra l Organism de paiamënt dla Provinzia autonoma de Bulsan-Südtirol.