Vai al contenuto principale Vai alla navigazione principale Vai alla navigazione secondaria

Ufize stampa dla Provinzia

Kompatscher sön le govern Conte: „Stabilité y sconanza dl’autonomia”

Le presidënt Arno Kompatscher comentëia l’insediamënt dl govern nü cun a cé Giuseppe Conte. “Stabilité, raporc cun l’Europa y sconanza dl’Autonomia”.

Kompatscher sön le govern de Conte: "Stabilité y sconanza dl’autonomia” (Foto USP/ohn)

Le presidënt dla Provinzia, Arno Kompatscher, tol posiziun sön la nasciüda dl govern nü dla Talia cun a cé le premier nü Giuseppe Conte: “Al é positif che al é gnü stlüt jö na fasa de malsegurté politica y istituzionala y che la Talia á sëgn n govern nü. Les mies aodanzes é che le govern sides bun da ti dé stabilité ala Talia y che al toles mosöres te n spirit daldöt europeich.”

Por ci che reverda te na manira particolara le Südtirol, se aoda le presidënt Kompatscher le scomenciamënt de n “dialogh davert y costrutif sön le svilup dl’autonomia y che öna dles priorités dl govern sides le respet y la sconanza dles mendranzes.” Na pröma ocajiun de barat y de colaboraziun gnará a se le dé ai 12 de jügn tl Südtirol, canche al gnará organisé n’incuntada sön le trafich y la mobilité cun i Ministri dl trasport dla Talia (Danilo Toninelli), dl’Austria y di Paisc Todësc.

(USP)