Vai al contenuto principale Vai alla navigazione principale Vai alla navigazione secondaria

Ufize stampa dla Provinzia

Dala Junta: les lites provinziales sará ai 21 d’otober

La data por le renovamënt dl Consëi provinzial dla Provinzia de Balsan é gnüda stabilida. Al gnará lité en domënia ai 21 d’otober dl 2018.

Les lites provinziales tl Südtirol gnará a se le dé en domënia ai 21 d’otober dl 2018. Chësc é gnü anunzié ai 8 de ma tratan la conferënza stampa dla Junta provinziala dal presidënt Arno Kompatscher. Adöm al presidënt dla Provinzia de Trënt, Ugo Rossi, á Kompatscher firmé le decret che stabilësc la data dles lites por renové i Consëis provinziai de Balsan y Trënt. Le decret gnará publiché söl Boletin Ofizial dla Regiun Trentin-Südtirol en jöbia ai 10 de ma dl 2018. En domënia ai 21 de otober sará les sëntes litales davertes dales 7 ales 21, les usc gnará cumpedades fora fata atira dedô y nia plü, sciöche denant, le de dedô dadoman.

Cun le decret él ince gnü stabilí d’atres dates importantes por ci che reverda la lita: le decret de indiziun dles lites gnará publiché ai 22 d’agost, ai 6 de setëmber gnarál spo publiché l’avis de convocaziun dles lites. I simboi dles listes messará gní presentá dai 28 ai 29 d’agost, por ci che reverda les listes di candidac y dles candidates é la data por la presentaziun preodüda por i 31 d’agost, al 1, ai 3 y ai 4 de setëmber.

(USP)