Vai al contenuto principale Vai alla navigazione principale Vai alla navigazione secondaria

Ufize stampa dla Provinzia

La mostra d’ert „42 uedli – occhi – augen“ dla Scora d’Ert „Cademia“ é gnüda inaudada inier, 21 de ma a Urtijëi. (Foto: USP/Cademia)

Lizeum d’ert Cademia: Daurida la mostra d’ert “42 augen occhi uedli”

Motivé les potenzialités artistiches di studënc y stimolé l’interes dla popolaziun sön i resultac dles scores altes ladines: la mostra d’ert „42 uedli – occhi – augen“ é na racoiüda d’operes d’ert de 21 studënc dla Scora d’Ert „Cademia“ che é gnüda daurida inier, ai 21 de ma tl salf dles mostres dla Lia mostra d’ert de Urtijëi. La mostra sará da odëi cina ai 4 de jügn, l’ingres é debann.

 Lukas Madersbacher prejentea si liber nuef sun Michael Pacher

Lukas Madersbacher prejentea si liber nuef sun Michael Pacher

La biblioteca provinziela "Dr. Friedrich Teßmann" a Bulsan urganisea n mierculdi, ai 27 de mei dala 20 da sëira la prejentazion dl liber nuef dl prufessëur de università Lukas Madersbacher sun l pitëur y scultëur Michael Pacher.

N valguna autorities ncuei ala festa: l diretëur dla Ripartizion ALexander Prinoth, l ntendënt dla scoles ladines Roland Verra, l ambolt Moritz Demetz (S.Crestina) y l assessëur ala scola y cultura ladina Florian Mussner. (Foto: USP/rc)

Danter passà y daunì: festa di 60 ani dl ITE Raetia de Urtijëi

Inuvatif, plurilinguistich, cuscient dla tradizions y lià ala vita soziela y economica dla valeda y ala particulariteies linguistiches y cultureles de Südtirol: l ITE Raetia à ncuei (22/05) festejà si 60 ani de atività. „Trëi sezions y leprò na bela cumpëida de ufiertes furmatives,dut chësc à purtà pro che la scola ie deventeda na istituzion scialdi moderna," nsci dij l assessëur Florian Mussner.

Aziuns de sensibilisaziun ince le fin dl’edema de Pasca de Ma sön les strades dl Südtirol.

Pasca de Ma: Jorantins „No Credit“ por i motoziclisć sön le Ju de Frara

Cun la campagna de sensibilisaziun „No Credit“ ó le Departimënt por la Mobilité aumenté la segurëza sön strada. Tratan le fin dl’edema de Pasca de Ma gnarál partí fora jorantins cun consëis sön le rovëne sigü sön strada. Implü fajará ince la polizia comunala de plü controi sön dötes les strades dl Südtirol.

Bilanz dles assoziaziuns: trascmisciun online cun i sorvisc eGov

Cun incö, jöbia ai 21 de ma, pó dötes les assoziaziuns scrites ite ti registri provinziai dl Ofize Chestiuns de cabinet presenté online so bilanz y les relaziuns che reverda sües ativités fates tratan l’ann. Na sauridanza poscibla por merit di sorvisc dl’eGovernment adöm cun la cherta di sorvisc o le cunt digital dl zitadin.

InfoMobilité: Baraté i montli da d’invern

„InfoMobilité“, n sorvisc dl Departimënt Mobilité dla Provinzia, informëia sön i caji te chi che al é d’oblianza da mudé i montli da d’invern che á n indesc de velozité plü bas co chël dé dant sön la cherta de zircolaziun dl auto/veicul.

Le presidënt dla Provinzia Arno Kompatscher y l’assessur Florian Mussner á presenté incö la mostra online nöia de racoiüdes de retrac y tesc dla Gran Vera. (Foto: USP/san)

Mostra virtuala dl Archif provinzial: Documentaziuns dla Gran Vera

En recordanza dl aniversar di 100 agn dala detlaraziun de vera dla Talia al Imper Austro-ungarich ai 23 de ma dl 2015 á l’Archif provinzial presenté incö na mostra virtuala nöia. Chësta dess ester n contribut por ponsé do y se dé jö cun les tematiches dla Gran Vera, á recordé le presidënt Arno Kompatscher y l’assessur Florian Mussner tratan la presentaziun a Balsan.

Lizeum d’ert Cademia: Giaurida dla mostra “42 augen occhi uedli” ai 21/05

“42 uedli – occhi – augen” à inuem la mostra d’ert dla/di 21 studëntes y studënc dla Scola d’Ert “Cademia” de Urtijëi che unirà giaurida ai 21 de mei dala 17.00 tl self dla mostres dla Lia mostra d’ert de Urtijëi. La mostra resterà davierta nchin ai 4 de juni, uni di dala 10.30 ala 12.30 y dala 16.00 ala 19.00. N juebia, venërdi y sada iela nce davierta dala 20.00 ala 22.00.

Le Dé internazional di Museums é sté na buna ocajiun por families cun mituns da vijité les tröpes atrativités ti museums dl Südtirol.

Dé internazional di Museums: 15mile vijitadus

La domënia ai 17 de má él gnü organisé por le 11ejimo iade le Dé internazional di Museums. 45 museums á fat para cun n program spezial y l’entrada debann. De plü é stades les propostes por i vijitadus, dai plü pici ai plü gragn cun n atenziun particolara chësc ann por i jogn. Dötadöm é la manifestaziun jüda dër bun cun 15.000 vijitadus.

La Junta á aprové incö le dessëgn de lege sön l’intlujiun dles porsones cun handicap

Dala Junta: Löm vërda al ddl sön l’intlujiun dles porsones cun handicap

La Junta provinziala á aprové incö (ai 19 de má) le dessëgn de lege sön la partezipaziun y l’intlujiun de porsones cun handicap. "La lege nöia á l’obietif prinzipal de mët al zënter dla sozieté les porsones cun handicap", á sotligné l’assessuria por les politiches soziales Martha Stocker incö tratan la conferënza stampa do l’aprovaziun da pert dla Junta.

Tres de manco strada y de plü scines: la Junta provinziala á aprové incö n documënt che reverda le spostamënt dl trafich dles marcianzies dales strades sön les scines.

Dala Junta:Plü corieres a idrogen, trasport de marcianzies, program dla SMG

La Junta provinziala á aprové incö (19/05) danter l’ater la partezipaziun a n program europeich de promoziun por la cumpra de corieres a idrogren. Implü á la Junta dé löm vërda a n documënt de mascima por le passaje dl trasport de marcianzies sön les scines y por le smendrimënt dl trasport sön strada. Arat positif ince por le program dles ativités dl 2015 dl’aziënda Südtirol Marketing (SMG).

Scores altes y profescionales: Fin dl ann de scora ai 12 de jügn

Por düc i scolars y les scolares dles scores altes y profescionales sará le vëndres, ai 12 de jügn, le ultim dé de scora. Sciöche i trëi intendënc Roland Verra, Peter Höllrigl y Nicoletta Minnei lascia alsavëi é chësc terminn gnü a se le dé por gauja dla pröma proa scrita dl’ejam de madoranza (matura) dles scores altes che gnará tigní en mercui ai 17 de jügn.

Le davagnadú Jacopo Dal Corso é gnü premié incö dal assessur Theiner y dala familia Keim. (Foto: USP/rm)

Geologia tles Dolomites: Premiaziun dla fondaz. UNESCO di proiec plü garatá

La fondaziun Dolomites UNESCO á premié incö (18 de má) a Balsan i davagnadus dles döes bandides sön la geologia: le concurs scientifich „Pest por le laur de dotorat Lorenz Keim“ y le concurs de idees „La geologia dles Dolomites – Stüde y proietaziun de n model geologich sön le teritore dles Dolomites“ ch reverda proiec de presentaziun y comunicaziun dles particolarités geologiches dles Dolomites.

Tratan na conferënza stampa da incö él gnü presenté le protocol de coordinaziun y de aiüt por i migranc che röia tl Südtirol

Rëi de colaboraziun por daidé i migranc tl Südtirol

L’assessuria por les politiches soziales Martha Stocker á stlarí incö , ai 18 de má, adöm ai rapresentanc dles assoziaziuns y di ënc de competënza, la situaziun sön l’acoliënza di migranc tl Südtirol. Tratan la conferënza él gnü porté dant i contignüs dl protocol de colaboraziun metü adöm por coordiné damí les ativités d’assistënza di migranc tl Südtirol.

Best practices ti raiuns da jí cun schi (d.m.c.): Diamantini, Pitscheider, Mussner, Conci y Lamprecht. (FOTO:USP/Roman Clara)

Arge Alp: Presentades les "best practices" ti raiuns dai schi

25 proiec ti raiuns dai schi é gnü valutá da sis partner dl Arge Alp cun n concurs che reverda la sostenibilité, la sconanza dl ambiënt y la mobilité sostenibla. „Danter i proiec che á davagné él ince da ciafé la furnadoia sön Munt de Suc, le coliamënt feroviar Plan de Corones-Perca y le coliamënt Moena/Soraga – Jouf de Ciareja“, insciö l’assessur Mussner incö ala presentaziun.

Inant ala news dl Servisc stampa dla Provinzia Autonoma de Bulsan »