Vai al contenuto principale Vai alla navigazione principale Vai alla navigazione secondaria

Ufize stampa dla Provinzia

La forza dl’ega sará na tematica di films che gnará presentá ai 5 de jügn dales 20.00 tla Biblioteca Teßmann a Balsan.

Sëra de film y leteratöra tla Biblioteca provinziala Teßmann ai 5 de jügn

Dui films di auturs Hans Albala (Viena) y Bruno Jori (Maran) gnará mostrá en vëndres, ai 5 de jügn dales 20.00 tla Biblioteca Teßmann da Balsan. La moderaziun y presentaziun dla sëra sará tles mans di auturs Ada Zapperi Zucker y da Martin Hanni. La forza dl’ega y dla natöra sará döes dles tematiches prinzipales dla manifestaziun.

Ab Montag kann online um das abo+ angesucht werden

Südtirol Pass abo+: Dal 1. de jügn domanda online

Da en lönesc, al 1. de jügn dl 2015 pól ma plü gní arlungé o damané do le Südtirol Pass abo+ por l’ann de scora o de stüde online sön la plata internet http://www.suedtirolmobil.info/. „A chësta moda vëgnel smendrí la burocrazia por les families, les scores y l’aministraziun publica y an sciafia da ciafé l’abo te cört tëmp", sotrissëia l’assessur por la Mobilité Florian Mussner.

Kompatscher, Platter y Rossi incö ala sentada dl’Euregio tl Tirol (Retrat Land Tirol)

Euregio: Scomenciadies por i jogn y presentaziun deboriada al EXPO

27 proiec cun n budget anual de 1,9 miliuns de euro é le resultat concret dl GECT dl’Euregio: la ligna di proiec é gnüda presentada incö (28 de ma) te na sentada dla Junta dl’Euregio dlungia Lienz, cun i trëi presidënc Günther Platter (Tirol), Arno Kompatscher (Südtirol) y Ugo Rossi (Trentin). Proscimamënter él preodü n portal dediché ai jogn y na partezipaziun deboriada al EXPO.

Tl parch natural Trëi pizes de Lorëi gnarál organisé un di dui workshops de fotografia sön la biodiversité.

Dolomites UNESCO, dui workshops de fotografia sön la biodiversité

Tl parch natural Trëi pizes de Lorëi y te chël de Pöz Odles gnarál tigní dui workshops de fotografia organisá dala Fondaziun UNESCO Dolomites. La tematica zentrala di cursc sará la biodiversité. La partezipaziun é daverta a düc i interessá.

Le dessëgn de lege sön la promoziun dla cultura te Südtirol é gnü presenté incö dai assessur Tommasini y Achammer a Balsan. USP/mb

Lege nöia sön la cultura: promoziun dla pluralité y dla partezipaziun

N aumënt di stromënc de finanziamënt, poscibilités de finanziamënc de plü agn y la diminuziun dla burocrazia: chisc é danter l’ater i obietifs dl dessëgn de lege nü sön la promoziun dla cultura, che é gnü aprové da püch dala Junta provinziala y presenté incö dai assessurs Christian Tommasini y Philipp Achammer. De plü ince les novités por la cultura ladina.

Le presidënt Arno Komaptscher incö tratan la presentaziun dl program FESR 2014 - 2020

Start por le program FESR 2020: 136 miliuns por chersciüda y ocupaziun

Incö (ai 27 de ma) él pié ia a Balsan le program dl Fonds europeich por le svilup regional (FESR) che prevëiga na soma d’investimënc de 136 miliuns de euro (63 inplü en confrunt al program da denant) por la chersciüda dl’economia y dl setur dl laur local tla perioda danter le 2014 cina l’ann 2020. Cater é i pilastri prinzipai dl program.

Comisciun de apajamënt por chestiuns de responsabilité di doturs (01/06)

Al pröm de jügn dales 10.30 gnarál tigní tl Auditorium dl Palaz provinzial 12 a Balsan na conferënza stampa cun l’assessuria Martha Stocker por presenté la Relaziun 2014 dla Comisciun de apajamënt por chestiuns che reverda la responsabilité di doturs.

Dala Junta: aprové le ddl nü sön la cultura, presentaziun ai 28 de ma

Amplié i stromënc de finanziamënt y i ënc che pó fá domanda, n test unich y la scemplificaziun dla burocrazia é i obietifs prinzipai dl dessëgn de lege nü che reverda la promoziun dla cultura. Le ddl nü é gnü aprové incö (26 de ma) dala Junta provinziala sön proposta di assessurs Florian Mussner, Christian Tommasini y Philipp Achammer. La presentaziun sará en jöbia ai 28 de ma.

Le dessëgn de lege omnibus sön l’economia aproada dala Junta provinziala incö contëgn de plü normes nöies che reverda le setur dl turism.

Dala Junta: Löm vërda ala lege omnibus sön l’economia

La Junta provinziala á aprové incö le dessëgn de lege omnibus sön l’economia. La proposta prevëiga na seria de intervënc d’adatamënt ales normatives europeiches y che porta para n smendrimënt dla burocrazia y la formulaziun nöia dl passaje legislatif che reverda la cuta sön le turism, por chëra che al vëgn lauré dötaurela adöm ales assoziaziuns competëntes por n model de finanziamënt alternatif.

Renforzé les imprejes locales y sostigní la chersciüda dl sistem economich: : chëstes é les priorités dla Junta provinziala pro l’elaboraziun de n sistem de sostëgn nü dl’economia dl Südtirol.

Dala Junta: le fonds de rotaziun vëgn indô daurí

Imprësć alisirá dal fonds de rotaziun, bandides y contribuc direc: chisc é i trëi pilastri dl sistem de sostëgn nü por ti dé na sbürla al’economia dla Provinzia de Balsan. Incö á la Junta tut la dezijiun da daurí indô le fonds de rotaziun por domandes d’azes dai seturs dl’industria, artejanat, comerz y sorvisc. La deliberaziun stabilësc ince danü i limic d’investimënt y le tët di contribuc.

Dala Junta: implanc idroeletrics, 244 miliuns de compensaziuns ambientales

La Junta provinziala á aprové incö (26 de ma) le documënt dles oblianzes por la gestiun de 8 implanc idroeletrics. Les conzesciuns de chisc implanc é gnüdes ejaminades danü dan da püch. Cun l’aprovaziun da incö él le manajadú di implanc, la SE-Hydropower, che messará paié fonds de indöt 244 miliuns de euro sciöche mosöres de compensaziun ambientala por la perioda dal 2010 al 2040.

La publicaziun nöia sön la vita y i recorc de Franz Vittur vëgn presentada en vëndres, ai 05 de jügn dales 18.00 tla biblioteca Sas dla Crusc a Pedraces.

Presentaziun dl liber „Recordanzes de n maester“ de Franz Vittur ai 05/06

Recordanzes dër prezioses che descrii le svilup dla scora ladina y i recorc personai é gnüdes racoiüdes dal maester Franz Vittur, intendënt dla scora ladina dal 1975 cina al 1992, te na publicaziun nöia che gnará presentada ai 05 de jügn dales 18 tla biblioteca Sas dla Crusc a Badia.

La mostra d’ert „42 uedli – occhi – augen“ dla Scora d’Ert „Cademia“ é gnüda inaudada inier, 21 de ma a Urtijëi. (Foto: USP/Cademia)

Lizeum d’ert Cademia: Daurida la mostra d’ert “42 augen occhi uedli”

Motivé les potenzialités artistiches di studënc y stimolé l’interes dla popolaziun sön i resultac dles scores altes ladines: la mostra d’ert „42 uedli – occhi – augen“ é na racoiüda d’operes d’ert de 21 studënc dla Scora d’Ert „Cademia“ che é gnüda daurida inier, ai 21 de ma tl salf dles mostres dla Lia mostra d’ert de Urtijëi. La mostra sará da odëi cina ai 4 de jügn, l’ingres é debann.

 Lukas Madersbacher prejentea si liber nuef sun Michael Pacher

Lukas Madersbacher prejentea si liber nuef sun Michael Pacher

La biblioteca provinziela "Dr. Friedrich Teßmann" a Bulsan urganisea n mierculdi, ai 27 de mei dala 20 da sëira la prejentazion dl liber nuef dl prufessëur de università Lukas Madersbacher sun l pitëur y scultëur Michael Pacher.

N valguna autorities ncuei ala festa: l diretëur dla Ripartizion ALexander Prinoth, l ntendënt dla scoles ladines Roland Verra, l ambolt Moritz Demetz (S.Crestina) y l assessëur ala scola y cultura ladina Florian Mussner. (Foto: USP/rc)

Danter passà y daunì: festa di 60 ani dl ITE Raetia de Urtijëi

Inuvatif, plurilinguistich, cuscient dla tradizions y lià ala vita soziela y economica dla valeda y ala particulariteies linguistiches y cultureles de Südtirol: l ITE Raetia à ncuei (22/05) festejà si 60 ani de atività. „Trëi sezions y leprò na bela cumpëida de ufiertes furmatives,dut chësc à purtà pro che la scola ie deventeda na istituzion scialdi moderna," nsci dij l assessëur Florian Mussner.

Inant ala news dl Servisc stampa dla Provinzia Autonoma de Bulsan »